Keanu Reeves ez da The Meatrix  filmeko aktore nagusia, txerri gazte bat baizik, Leo, baserri atsegin batean bizi dena… edo hori uste du behintzat. Leok halako xira batez jantzitako behi bat topatuko du, Moopheus; behiak nekazaritzako elikagaien negozioaren egia itsusia erakutsiko dio txerriari…

Familia bat bere kiderik zaharrenaren azken gaua bizitzen ari da. Laburmetrai honek bizitzaren amaierari aurre egiteko era ezberdinetaz aritzen da.

Triste eta ilusiorik gabeko gizon heldu batek eguna pasatzen du bere lagun bakarrarekin kartetan jolasten, taberna batean. Halako batean, ia ezagutzen ez duen biloba zaindu behar du: Nepaletik ekarritako neskatila.

20 minutuko film labur honek ideologia matxista erakusten digu eta gizon izateko “beste” modu bat ere bai; hau da, berdintasunean oinarriturik emakumeekin harremanetan sartzen diren gizonen jokabidea. Aldi berean, “Amores que matan" lanak gogoeta hau egitera gonbidatzen gaitu: emakumeak gaizki tratatzen dituzten gizonak errehabilitatu ote daitezkeen. Istorio hau TE DOY MIS OJOS film luzearen jatorria da.

Alexanderrek 13 urte ditu, bere adinerako txikia da eta ikaskideek eten gabe izutzen dute, gelara mutil berri bat heldu arte...